Bidal Minang

Perbidalan adat Minang

Alam batampuak luak bapanghulu rantau barajo
Luhak nan tigo lareh nan duo
Lareh Koto Piliang Datuak Katumanggungan
Lareh Bodi Caniago Datuak Parpatiah nan Sabatang
Indak lapuak dek hujan indak lakang dek panah
Dianjak tak layua dibubuk tak mati
Siapo manjalo siapo tajalo
Siapo basuko siapo banyanyi
Salah ditimbang, hukum babandiang
Hutang babayia piutang batarimo
Siapo membunuh siapo dibunuh
Hutang darah dibayia darah
Hutang nyawo dibayia nyawo
Hukum bardiri jo saksi

Adat bardiri jo tando
Mancincang balandasan
Malompek bersitumpu
Tatumpu nak basitingki
Nan batali nan bairik
Nan batampuak nan bajinjiang
Aka bajumbai tampat siamang bagayuk
Sia baka babatang suluah
Maliang curi taluang dinding
Upas racun bertabung sayak siso dimakan
Samun saka tagak di bateh
Tapijak di banang arang hitam tapak
Ayam putiah tabang siang
Ayam hitam tabang malam

Unjuak bajawek anta batarimo
Cagak batabus gadai bertauri
Cancang memberi pampas
Bunuah memberi balas
Duduk sahamparan tagak sepematang
Luruh ditiliak, bungkuak dikadang
Dakek baturuk jauah bajolang
Disingok nan bagisia sahalaman satampuah lalu
Saulak satapian, sagaluak satimbo
Sajalan satapian pamandian
Saitiak saayam
Saanak sakamanakan
Buek samo arek ganggam samo taguah
Sahino samalu, suarang tiada babalah
Tujuah tangkai naik, tujuh lapih kabawah
Sedanciang bak bosi saciok bak ayam
Sarumpun bak sarai, selubang bak pisang
Kabukik samo mandaki ka lurah samo manurun
Tatungkuk samo makan tanah, tatilantang samo minun ambun
Banyak dibagi baungguak seketek dibagi bacacah
Kahulu samo bagalah ka hilia samo badayuang
Barek samo dipikua ringan samo dijinjiang
Hati gajah sama dilapah
Hati tungau sama dicacah

Mamak rumah manarimo sumando, bahubung nak panjang, berkaampuh nak lebar
Paliharo kampuang tenggang nagari, tenggang sarato adat pusakonyo
Sawah bajanjang di nan lereng
Ladang balupak di nan data
Bandar baliku turun bukik
Samo dibuek samo dipaliharo

#Bidal_minang
#budaya_minang